நகவெட்டிகள் தூங்குகின்றன
நகங்களைக் காணோம்
விரல்நுனிகள் அவிந்ததால்
ஆக்குவதை அறுதியிட இயலவில்லை
கடிக்க காலணியிருந்தும்
விரல்கள் ஒத்துழைக்கவில்லை
ஊட்டிய விரல்களில்
ஊனைக் காணோம்
ஓடிஓடி உழைத்தவளுக்கு
வலி ஓய்வளிக்கவில்லை
தவறிய சில்லறையை எடுக்க
குனிந்தவளுக்கு எடுத்துக் கொடுக்க
பூமித்தாய்க்கும் விரல்கள் இல்லையோ
இவள்
சில்வர்ஸ்பூனுடன் பிறக்கவில்லை
சில்வர்ஸ்பூன் பிறந்ததே இவளுக்குத்தான்!
No comments:
Post a Comment
உங்கள் விமர்சனங்களை இங்கே விதைக்கலாம் !